ovo-

n Toledo la buena essa villa real Que iaçe sobre Taio, essa agua cabdal, Ovo un arzobispo coronado leal Que fue de la Gloriosa amigo natural.

Demostrava el brazo que tenié livorado, en el que Sant Laurent lo ovo apretado, pidié merced al Papa con el cuerpo prostrado, que cantasse la missa por Peidro el lazrado.

Confessose el monge e fizo penitençia, Meiorose de toda su mala contenençia, Sirvió a la Gloriosa mientre ovo ponteçia, Finó qundo Dios quiso sin mala repindençia, Requiescat in paçe cum divina clemençia.

El que iba fuyendo con muy grant pavor, Troçió una eglesia, ovo en grant sabor, Era de la Gloriosa fecha en su honor, Escondióse en ella mesquino peccador.

Contólis a los uespedes toda su aventura, Commo enna eglesia fiçieron desmesura, ComQ1o Sancta Maria ovo dellos rencura, E commo se perdieron de mala calentura.

Fizo en mi grant graçia non una, ca doblada: Si por ella non fuesse, seria enfogada: Valióme en el parto, si non serie dannada: Nunqua mugier non ovo madrina tan onrrada.

Esti prado fué siempre verde en onestat, Ca nunca ovo macula la su virginidat, Post partum et in partu fue Virgen de verdat, Ilesa, incorrupta en su entegredat.

Todo quanto que fizo, menudo e granado, fuera si penitencia lo ovo deslavado, todo será a ojo en medio del mercado, conoscerlo án todos, non lis será celado.

Non ovieron los angeles razon de voçealla, Ca ovo la fin mala, e asin fué sin falla, Tirar non lis podieron valient una agalla, Ovieron a partirse tristes de la batalla.

Avie una costumne que li ovo provecho, i Diçie todas sus oras commo monge derecho, I A las de la Gloriosa siempre sedie erecho, Aviel el diablo por ello grant despecho.

Pocco avie andado aun de la carrera, Aves podrie seer la iornada terçera; Ovo un encontrado cabo una carrera, Mostrabase por bueno, en verdat non lo era.

Quando ovo la Gloriosa el sermon acabado, Desamparó la alma al cuerpo venturado, Prisieronla de angeles un convento onrrado, Levaronla al çielo, Dios sea end laudado.